التخطي إلى المحتوى

قالت الإعلامية منى الشاذلي، في الفقرة التي خصصتها من برنامجها للحديث عن الفنان الراحل هشام سليم، أنها شعرت بصدمة عندما أخبرها بإصابته بمرض السرطان.

وأضافت “منى”: “رحل ابن الأصول النبيل الراقي هشام سليم، عانى في صمت وتكتم وماحملش حد همه ووجعه، ورحل في سلام عن دنيانا، كان عنده كبرياء ولكن بتواضع، كان عنده صراحة ولكن بتأدب، هشام سليم ابن أصول اللي كتير مننا زعلوا زعل عميق على رحيله، شخصيته كانت فيها وضوح وصراحة وتأدب، كل حاجة فيه كانت تخلينا نحبه”.

منى الشاذلي: أخر مكالمة مع هشام سليم قالي أنه في المرحلة المتأخرة

وتابعت: “في مكالمة بيني وبينه من أكتر من سنتين، كنت بقوله ماشوفتكش في العزاء الفلاني، قالي هقولك حاجة وماتقوليش لحد، أنا عندي كانسر وباخد جلسات كيماوي ومش قادر، وباجي القاهرة يا دوب لو عندي جلسة أو في تصوير ضروري”.

واستطردت: “أمني وقالي أنا مش عايز حد يعرف، وطبعًا كانت أمانته في الحفظ والصون، وماقولتش لحد لأن دي كانت رغبته، لأنه ماكانش يحب يقول وجع أو ألم، وقالي أنه بيستجيب مع العلاج وحكالي تفاصيل كتير، ومن ساعتها الاتصالات زادت”.

وأضافت: “أخر مكالمة كان هو اللي متصل بيا، وقالي بطمن عليكي، سألته أخبار العلاج إيه، وقالي بمنتهى البساطة أنا في المرحلة الرابعة المرحلة المتأخرة”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *