التخطي إلى المحتوى


06:55 م


الجمعة 09 سبتمبر 2022

كتب- عبد الفتاح العجمي:

تحدث الفنان محمد رياض، عن كواليس مسلسل “الضوء الشارد” الذي جمعه بالنجوم ممدوح عبد العليم وسميحة أيوب ومنى زكي وغيرهم، عام 1998.

وقال رياض، في حواره مع برنامج “الراديو بيضحك” مع فاطمة مصطفى عبر “الراديو 90 90”: “ذكرياتي عن المسلسل اللي فاكرها إني مكنتش هشتغله، رفضته 3 مرات، أول مرة كلمني عليه أستاذ محمد صفاء عامر، ولما شوفت الورق لقيت (فارس) بيموت في الحلقة 16 والمسلسل 33 حلقة رفضت، قالي محدش هيعمل الدور ده غيرك”.

أضاف: “هو وأستاذ مجدي أبو عميرة كانوا متمسكين بيّا جدا، قولتله ليه الشخصية تموت بدري؟ زود دوري إن كنت عايزني، قالي طيب خلاص هروح إسكندرية هكتب، قولتله حتى لو هيموت في الحلقة قبل الأخيرة مثلا لكن ميموتش في نص الحلقات، رجع قالي معرفش أكتب ولا مشهد تاني للشخصية دي، وهما جريوا ورايا كتير جدا وأنا رافض”.

تابع: “أنا كنت عايز أعمل الدور جدا، بس كنت خايف جدا الناس تنساني بعد ما أموت في المسلسل، لكن أنا راهنت على الدور وربنا أكرمني وكسبت الرهان قدام نفسي، والدور كان من الحاجات المهمة اللي قدّمتها في حياتي، وفي ناس كتير في الصعيد سمت (فارس) على اسم الشخصية، السنة بتاعته اسم (فارس) كان تريند بسبب المسلسل”.

“الضوء الشارد” ﺇﺧﺮاﺝ مجدي أبو عميرة، ﺗﺄﻟﻴﻒ محمد صفاء عامر، بطولة النجوم: ممدوح عبدالعليم، سميحة أيوب، محمد رياض، يوسف شعبان، منى زكي، ورانيا فريد شوقي وغيرهم.

التعليقات

اترك تعليقاً

لن يتم نشر عنوان بريدك الإلكتروني.