التخطي إلى المحتوى

حرص المخرج رامي عادل إمام، على الكشف عن تفاصيل الحالة الصحية لوالده، بعد الأنباء الأخيرة التي تداولتها وسائل الإعلام عن إصابته بمرض الزهايمر.

حيث قال “رامي” في لقاءه في برنامج “الحكاية”، المُذاع عبر قناة MBC مصر: “إحنا اتعودنا على الإشاعات من زمان، وبقت جزء من حياتنا، وأنا ومحمد وسارة طول عمرنا اتربينا على الإشاعات، وهو كان يقولنا أنا مش عايزكم تزعلوا ولا تضايقوا، فأحنا اتربينا على إن أي إشاعة بتطلع خلال بقينا متعودين عليها”.

وأضاف: “هو الحمد لله زي الفل، هو بيستمتع جدًا بحياته مع أولاده وأحفاده اللي بقاله كتير جدًا ماقعدش معاهم، هو عمل كل حاجة في الحياة، ويوم ما يفكر يعمل موضوع دلوقتي يقولي هاتلي موضوع يكون عاجبني، فإيه اللي يخليه النهارده ينزل ويشتغل ويقول أنا هنزل وهعمل الفيلم ده غير وهو مقتنع بيه، هو قرر إن لو جاتله حاجة حلوة هيعملها، قال أنا عملت كل حاجة في الحياة وعايز استمتع بأولادي”.

رامي عادل إمام: صعب جدًا تنقي موضوع للزعيم

وبسؤاله عن عدد أفلام الزعيم قال رامي عادل إمام: “عمل 155 فيلم، ومن 2010 لحد 2020 اشتغل مسلسلات، ودي مهلكة لأي شخص”.

واستطرد: “لحد النهاردة بنتكلم على موضوع الشغل، سواء عاجبه ونشوف أطوره ازاي، أو موضوع عرضته عليه أكتر من مرة، وصعب جدًا تنقي موضوع لعادل إمام”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *